قائمہ کمیٹی اجلاس میں تلخ کلامی شٹ اپ:عبدالعلیم خان‘uشٹ اپ:پلوشہ خان

 تم ہو کون اس طرح کی بات کرنے والے:پلوشہ خان‘ آپ عزت کریں گے تو ہم آپ کی کریں گے، آپ لوگ ذات پر انگلیاں اٹھاتے ہیں:عبدالعلیم
وزیر نے جو بدتمیز ی کی ہے اس پر چیئرمین کمیٹی رولنگ دیں:پلوشہ خان‘وفاقی وزیر عبد العلیم خان نے چیئرمین کمیٹی کے کہنے پر معذرت کر لی
اسلام آباد (آئی این پی)قائمہ کمیٹی برائے مواصلات کے اجلاس میں وفاقی وزیر عبد العلیم خان اور سینیٹر پلوشہ خان کے درمیان شدید تلخی کلامی ہوگئی۔پلوشہ خان نے کہا تم ہو کون اس طرح کی بات کرنے والے جس پر عبد العلیم خان نے کہا  آپ عزت کریں گے تو ہم آپ کی عزت ہم کریں گے، آپ لوگ ذات پر انگلیاں اٹھاتے ہیں۔عبد العلیم خان نے پلوشہ خان سے بات کرتے ہوئے کہا  شٹ اپ جس پر پلوشہ خان نے کہا یو شٹ اپ۔عبد العلیم خان نے کہا کہ سارے زمانے کے بے ایمان یہاں اکھٹے ہوئے ہیں۔پلوشہ خان نے کمیٹی چیئر مین سے کہا  جو بدتمیزی وزیر نے کی ہے اس پر رولنگ دیں، کیا نجی ہاسنگ سوسائٹی کا نام لینا جرم ہے، میں نے سوال پوچھا ہے۔ارکان کی آپس میں لڑائی کے بعد چیئرمین کمیٹی نے  مداخلت کی اور  وفاقی وزیر عبد العلیم خان نے چئیرمین کمیٹی کے کہنے پر معذرت کر لی