تہران: ایرانی وزیر خارجہ عباس عراقچی نے فیلڈ مارشل سید عاصم منیر سے ٹیلیفون پر رابطہ کیا ہے۔
اس گفتگو کا مقصد خطے کی موجودہ صورتحال اور کشیدگی کے خاتمے کے لیے سیاسی و سفارتی راستوں کی تلاش تھا۔ ایرانی میڈیا کے مطابق، یہ گفتگو گزشتہ روز ہوئی جس میں دونوں رہنماؤں نے حالیہ سفارتی پیش رفت کا جائزہ لیا اور مختلف سفارتی اقدامات سے متعلق اپنے مؤقف اور آرا کا تبادلہ کیا۔ٹیلیفونک رابطے کے دوران علاقائی صورتحال کے مختلف پہلوؤں پر بھی گفتگو ہوئی۔ دونوں رہنماؤں نے موجودہ حالات کے ممکنہ اثرات اور ان سے نمٹنے کے لیے باہمی مشاورت کی اہمیت کو سمجھتے ہوئے، خطے میں امن و استحکام کے لیے مشترکہ کوششوں پر زور دیا۔رپورٹ کے مطابق، عباس عراقچی اور فیلڈ مارشل سید عاصم منیر نے دوطرفہ روابط اور تعاون کو مزید مؤثر بنانے کے امکانات پر بھی تبادلہ خیال کیا۔ دونوں نے سیاسی اور سفارتی ذرائع سے مسئلے کے حل کے لیے جاری کوششوں کو آگے بڑھانے اور باہمی مشاورت کے عمل کو مضبوط بنانے پر اتفاق کیا۔ اس بات چیت کا مقصد خطے میں کشیدگی کے خاتمے اور امن کے قیام کے لیے مشترکہ کوششوں کو فروغ دینا ہے۔
