اسرائیلی کارروائیاں عالمی قوانین کی کھلی خلاف ورزی ہیں :دفترخارجہ

 عالمی برادری مقدس مقامات کا تقدس بین الاقوامی قانون اور تاریخی حیثیت کے مطابق محفوظ بنا ئے
اسلام آباد(آئی این پی )پاکستان نے مقبوضہ مغربی کنارے اور مسجدِ اقصی میں اسرائیلی کارروائیوں کی شدید مذمت کرتے ہوئے اسے عالمی قوانین کیخلاف قرار دیا ہے۔دفتر خارجہ سے جاری بیان کے مطابق ترجمان دفتر خارجہ نے   کہا ہے  پاکستان اسرائیلی قابض افواج اور انتہاپسند آبادکاروں کی جانب سے فلسطینی عوام کے خلاف کارروائیوں کی سخت مذمت کرتا ہے۔ان کا کہنا تھا کہ مسجدِ اقصی کے صحن میں بار بار دھاوا بولنا ، عبادت گزاروں کو اشتعال دلانا اور انتہا پسندانہ اقدامات بین الاقوامی قانون اور اقوامِ متحدہ کی قراردادوں کی کھلی خلاف ورزی ہیں۔ترجمان نے عالمی برادری سے مطالبہ کیا کہ مقدس مقامات کا تقدس بین الاقوامی قانون اور تاریخی حیثیت کے مطابق محفوظ بنایا جائے