ہالی ووڈ اداکارہ انجلینا جولی نے ایک حالیہ انٹرویو میں کہا ہے کہ مشکل وقت اور قانونی کشمکش کے دوران ان کی ذہنی مضبوطی متاثر ہوئی تھی، تاہم اب وہ دوبارہ خود کو پہلے کی طرح مضبوط محسوس کر رہی ہیں۔
ان کے مطابق “لڑنے کی ہمت” جو کچھ عرصے کے لیے کمزور پڑ گئی تھی، اب دوبارہ واپس آ رہی ہے۔انہوں نے بتایا کہ طویل عرصے تک ذہنی دباؤ اور ذاتی مشکلات نے انہیں متاثر کیا، لیکن ان کے بچوں نے انہیں دوبارہ زندگی میں آگے بڑھنے اور خود کو سنبھالنے کا حوصلہ دیا۔جولی کے مطابق ان کے بچے اب بڑے ہو چکے ہیں اور وہ چاہتے ہیں کہ وہ زیادہ سفر کریں، نئی سرگرمیوں میں حصہ لیں اور اپنے فیصلے خود کریں۔ ان کا کہنا تھا کہ ان کے بچے انہیں بہتر سمجھتے ہیں اور ہمیشہ ان کی حوصلہ افزائی کرتے ہیں کہ وہ اپنی مضبوط اور فعال شخصیت کو دوبارہ سامنے لائیں۔یاد رہے کہ ان کا طویل قانونی تنازع سابق شوہر بریڈ پٹ کے ساتھ رہا ہے، جو حالیہ برسوں میں میڈیا کی توجہ کا مرکز بھی رہا۔
