جنوبی ایران میں حالیہ زلزلے کے شدید جھٹکے محسوس کیے گئے ہیں، جن سے شہریوں میں خوف و ہراس پھیل گیا ہے۔
غیر ملکی میڈیا رپورٹس کے مطابق، زلزلے کی شدت ریکٹر اسکیل پر 5.5 ریکارڈ کی گئی ہے۔خبر رساں ادارے شنہوا نے جرمن ریسرچ سینٹر فار جیو سائنسز کے حوالے سے بتایا کہ یہ زلزلہ برطانوی وقت کے مطابق رات 3 بج کر 43 منٹ پر آیا۔ابتدائی معلومات کے مطابق، زلزلے کا مرکز 27.36 درجے شمالی عرض بلد اور 52.60 درجے مشرقی طول بلد پر واقع تھا۔اس کی گہرائی زیر زمین تقریباً 10 کلومیٹر تھی، جس کے باعث جھٹکے نسبتاً زیادہ شدت سے محسوس کیے گئے۔ابھی تک کسی قسم کے جانی یا مالی نقصان کی فوری اطلاع موصول نہیں ہوئی ہے، تاہم مقامی حکام صورتحال کا تفصیلی جائزہ لے رہے ہیں۔مزید تحقیقات اور امدادی کارروائیاں جاری ہیں تاکہ کسی بھی ممکنہ نقصان سے بچاؤ کیا جا سکے۔
