ایرانی پارلیمنٹ کے ارکان نے حجاب بل میں ترمیم کی درخواست کی ہے جس کے تحت خواتین کے لیے لازمی حجاب نہ پہننے پر سخت سزاؤں کی تجویز کی گئی تھی۔
ارکان نے اس بل میں نرمی لانے اور سخت سزاؤں کا خاتمہ کرنے کا مطالبہ کیا ہے۔یہ بل پارلیمنٹ میں منظور ہو چکا ہے، لیکن ابھی تک اسے حکومت کی حتمی توثیق کے لیے پیش نہیں کیا گیا۔ ایران کے نائب صدر برائے پارلیمانی امور، شہرام دبیری نے بل کو منظوری کے لیے بھیجنے کی درخواست کو روکا ہے، تاہم انہوں نے یہ واضح نہیں کیا کہ وہ کس قسم کی ترامیم چاہتے ہیں اور یہ عمل کب مکمل ہوگا۔ایرانی میڈیا کے مطابق، یہ بل رواں ماہ صدر مسعود پزشکیان کو بھیجا جا سکتا ہے۔
