اپنی زمین اپنا گھر سکیم، درخواستوں کی وصولی کا عمل روک دیا گیا

 4 لاکھ 81  ہزاردرخواستیں موصول،سکروٹنی کے بعد2 ہزار پلاٹ مفت دیئے جائیں گے
لاہور(آئی این پی ) وزیراعلی پنجاب اپنی زمین، اپنا گھرپور ٹل پر مزید درخواستوں کی وصولی کا عمل روک دیا گیا جس کے بعد  سکروٹنی کا عمل شروع کردیاگیاہے،اب تک  4 لاکھ 81  ہزاردرخواستیں موصول ہوئی ہیں جن کی سکروٹنی کے بعد صوبے کے 19اضلاع میں 2 ہزار پلاٹ مفت دیئے جائیں گے۔ اپنی زمین، اپنا گھرسکیم  کے تحت 4 لاکھ 81  ہزار سے زائد افراد درخواستیں جمع کروا چکے ہیں جن میں سے 3  لاکھ 67 ہزار سے زائد افراد کی درخواستیں ابتدائی سکریننگ کے معیار پرپورا اتری ہیں۔