کینیڈا کے شہر ٹورنٹو میں پیئرسن انٹرنیشنل ائیرپورٹ پر لینڈنگ کے دوران ایک مسافر طیارہ حادثے کا شکار ہو گیا۔
حادثے کی تفصیلات
غیر ملکی میڈیا رپورٹس کے مطابق پیر کے روز منیاپولس سے ٹورنٹو آنے والا طیارہ لینڈنگ کے دوران بے قابو ہو کر الٹ گیا۔ طیارے میں تقریباً 80 مسافر سوار تھے، جن میں سے زیادہ تر بحفاظت باہر نکلنے میں کامیاب ہوگئے۔
زخمیوں کی صورتحال
رپورٹس کے مطابق حادثے میں ایک بچے سمیت کم از کم 15 افراد زخمی ہوئے ہیں، جن میں سے دو کی حالت تشویشناک بتائی جارہی ہے۔
ائیرپورٹ انتظامیہ اور ریسکیو کارروائیاں
ائیرپورٹ حکام نے حادثے کے فوری بعد ریسکیو آپریشن شروع کیا، ہنگامی عملے نے طیارے کو گھیر کر اس پر اسپرے کیا تاکہ کسی ممکنہ آگ کو روکا جا سکے۔ انتظامیہ کا کہنا ہے کہ مسافروں اور عملے کی خیریت کے حوالے سے معلومات اکٹھی کی جا رہی ہیں، جبکہ حادثے کی وجوہات جاننے کے لیے تحقیقات جاری ہیں۔ٹورنٹو پیئرسن ائیرپورٹ حکام نے اپنے بیان میں کہا کہ وہ صورتحال پر مکمل نظر رکھے ہوئے ہیں اور امدادی کارروائیاں جاری ہیں۔
