کرکٹ کی عالمی تنظیم آئی سی سی نے 2026 کے ٹی 20 ورلڈ کپ کے لیے تمام 20 ٹیموں کی تصدیق کر دی ہے۔
رپورٹ کے مطابق، یو اے ای نے جاپان کو ایشیا/ایسٹ ایشیا پیسیفک کوالیفائر ٹورنامنٹ میں 8 وکٹوں سے شکست دے کر اس ایونٹ میں اپنی جگہ پکی کی۔میچ میں، یو اے ای کے بولر حیدر علی نے 20 رنز کے عوض 3 وکٹیں حاصل کیں، اور اوپنرز الیشان شرفو اور محمد وسیم کی 70 رنز کی شراکت داری نے ٹیم کو فتح دلائی۔یو اے ای نے 117 رنز کا ہدف 13 ویں اوور میں 2 وکٹوں کے نقصان پر حاصل کیا۔اس جیت کے ساتھ، یو اے ای، نیپال، اور عمان، اس ورلڈ کپ کے لیے منتخب ہونے والی آخری 3 ٹیمیں بن گئیں۔ورلڈ کپ میں، بھارت اور سری لنکا بطور میزبان شامل ہیں، اور ٹی 20 ورلڈ کپ 2024 کی ٹاپ 7 ٹیمیں یعنی افغانستان، آسٹریلیا، بنگلہ دیش، انگلینڈ، جنوبی افریقہ، امریکا، اور ویسٹ انڈیز براہ راست کوالیفائی کر چکی ہیں۔اس کے علاوہ، نیوزی لینڈ، پاکستان، اور آئرلینڈ بھی رینکنگ کی بنیاد پر براہ راست حصہ لیں گے۔
امریکا سے کینیڈا نے امریکن کوالیفائر جیتا، اور یورپ سے اٹلی پہلی بار اس ایونٹ میں شامل ہو گا۔نیدرلینڈز، نمیبیا، اور زمبابوے نے کوالیفائی کیا، اور ایشیا سے نیپال، عمان، اور یو اے ای نے آخری ٹیمیں بنائیں۔ورلڈ کپ گزشتہ ایڈیشن کے فارمیٹ کے تحت کھیلا جائے گا، جس میں 20 ٹیمیں 4 گروپ میں تقسیم ہوں گی، ہر گروپ میں 5 ٹیمیں۔ہر ٹیم اپنے گروپ کی دیگر 4 ٹیموں سے ایک ایک میچ کھیلے گی۔ہر گروپ کی ٹاپ 2 ٹیمیں ’’سپر 8‘‘ مرحلے میں پہنچیں گی، جہاں انہیں 2 نئے گروپ میں تقسیم کیا جائے گا۔اس مرحلے میں بھی راؤنڈ رابن سسٹم ہوگا، اور ہر گروپ کی 2 بہترین ٹیمیں سیمی فائنل میں جائیں گی، جہاں سے فائنل کھیلا جائے گا۔
