لاہور (ویب ڈیسک) : وزیر اعلیٰ پنجاب مریم نواز شریف کی زیر قیادت پنجاب حکومت کی انقلابی اسکیم "آسان کاروبار فنانس" اور "آسان کاروبار کارڈ" پروگرام کے تحت صرف 90 دنوں میں 1 لاکھ 7 ہزار سے زائد افراد کو 61 ارب روپے کے قرض جاری کیے گئے، جس کے نتیجے میں صوبے میں 57913 نئے کاروبار شروع ہوئے۔ یہ اقدام پنجاب کی معاشی تاریخ میں ایک اہم سنگ میل قرار دیا جا رہا ہے۔
خواتین کا بڑھتا ہوا اعتماد
پروگرام کے تحت پہلی بار 6753 خواتین نے بھی 3 ارب 42 کروڑ روپے کے قرض حاصل کر کے کاروباری دنیا میں قدم رکھا، جو کہ خواتین کی معاشی خودمختاری کی جانب ایک مثبت پیش رفت ہے۔
اجلاس میں تفصیلی بریفنگ
وزیر اعلیٰ کی صدارت میں ہونے والے خصوصی اجلاس میں ایم ڈی پنجاب سمال انڈسٹریز کارپوریشن (PSIC) سارہ عمر نے اسکیم پر تفصیلی بریفنگ دی۔ اجلاس میں بتایا گیا کہ:
چیف منسٹر آسان کاروبار فنانس اسکیم کے تحت 3010 افراد کو 18 ارب روپے کے قرض جاری کیے گئے۔
آسان کاروبار کارڈ اسکیم کے تحت 104133 افراد کو 43 ارب روپے کے قرض ملے۔
ٹرانسپورٹیشن کے شعبے میں 1312 افراد نے 3 ارب 91 کروڑ روپے، جبکہ ٹریڈنگ و ڈسٹری بیوشن میں 175 افراد نے 3 ارب 94 کروڑ روپے کے قرض حاصل کیے۔
کاروباری شعبہ جات میں شمولیت
پروگرام سے سب سے زیادہ مستفید ہونے والے کاروبار درج ذیل ہیں:
سروسز: 61996 افراد، 26 ارب 13 کروڑ روپے
ٹریڈنگ: 24522 افراد، 10 ارب 75 کروڑ روپے
ایگری و اسمال بزنس: 10699 افراد، 3 ارب 69 کروڑ روپے
درخواستوں اور منظوری کا عمل
74579 درخواستیں موصول، 2505 کو منظور کر کے قرض جاری
ٹیر 2 کے تحت 12029 درخواستیں موصول ہوئیں، جن میں سے 505 کی منظوری ہوئی
آسان کاروبار کارڈ اسکیم کے لیے اب تک 13 لاکھ 80 ہزار سے زائد درخواستیں موصول ہو چکی ہیں
وزیراعلیٰ کا اگلا لائحہ عمل
وزیراعلیٰ نے ہدایت کی کہ:
درخواستوں کی پروسیسنگ کو تیز کیا جائے
واٹس ایپ کے ذریعے آسان کاروبار کارڈ کی ایکٹیویشن کی سہولت فراہم کی جائے
ایکسپورٹ اور مینو فیکچرنگ سیکٹر کے لیے علیحدہ پلان تیار کیا جائے
اسکیم کو ہر حال میں جاری رکھنے پر زور دیا گیا
