نیلم جہلم پراجیکٹ پر حملے کیخلاف عالمی عدالت جانا چاہیے:ایازصادق

 اسلام آباد(آئی  این پی )اسپیکر قومی اسمبلی نے کہا ہے کہ نیلم جہلم پراجیکٹ پر حملہ کرنے پر بھارت کے خلاف عالمی عدالت میں جانا چاہیے جبکہ  وفاقی وزیر برائے آبی وسائل معین وٹو   کا کہنا ہے نیلم جہلم معاملے پر متعلقہ فورم سے رجوع کیا گیا ہے، ہمارا موقف تسلیم کرنا پڑے گا۔ جمعہ کو قومی اسمبلی کا اجلاس اسپیکر سردار  ایاز صادق کی صدارت میں شروع ہوا، جس میں  وقفہ سوالات کے دوران رکن اسمبلی شگفتہ جمانی نے کہا کہ نیلم جہلم پراجیکٹ بند پڑا ہے، وجہ کیا ہے؟۔وفاقی وزیر برائے آبی وسائل معین وٹو نے بتایا کہ نیلم جہلم پراجیکٹ کی 2 ٹنلز 2024 میں کلیپس ہو گئی تھیں ۔ وزیراعظم نے دورہ کیا اور کمیٹی تشکیل دی۔ ایک اور ہائی پاور کمیٹی تشکیل دی گئی ہے۔ اب تک اس پر مسلسل کام ہو رہا ہے،تحقیقات بھی جاری ہیں۔ ابتدائی رپورٹس تیار ہوگئی ہیں۔ 2 سال میں یہ شروع جائے گا۔ملک عامر ڈوگر نے کہا کہ  پتا چلا ہے اس منصوبے پر بھی بھارت نے حملہ کیا، اس سے کتنا نقصان ہوا؟۔ کیا ہم انٹرنیشنل کورٹ میں جا رہے ہیں؟، جس پر اسپیکر قومی اسمبلی نے کہا کہ ہمیں انٹرنیشنل کورٹ میں چلے جانا چاہیے