محمود خان اچکزئی کی قیادت میں اپوزیشن اتحاد "تحریک تحفظ آئین" کی جانب سے ایک اہم پیشرفت سامنے آئی ہے۔
انہوں نے اسلام آباد میں ایک پریس کانفرنس کے دوران بتایا کہ انہیں خوشی ہے کہ شاہد خاقان عباسی آئین کی بالادستی کے لیے ان کے ساتھ چلنے کو تیار ہیں۔محمود خان اچکزئی نے کہا کہ انہیں آج ایک افسوسناک خبر ملی کہ عمران خان کو 14 سال قید کی سزا سنائی گئی، لیکن آئین کی بالادستی کے لیے ان کی جماعت نے ایک اہم قدم اٹھایا ہے۔ اس پیشرفت کو ایک بڑی کامیابی قرار دیتے ہوئے انہوں نے کہا کہ اب ملک میں آئین کی بالادستی کے لیے ایک مضبوط تعاون کی بنیاد رکھی جا رہی ہے۔شاہد خاقان عباسی نے اس موقع پر کہا کہ محمود خان اچکزئی کی دعوت پر ان کی جماعت آئین کی بالادستی کے لیے ساتھ چلنے کی مشاورت کرے گی۔ ان کا یہ بھی کہنا تھا کہ اس عمل میں مولانا فضل الرحمان اور دیگر جماعتوں کے شامل ہونے کی توقع ہے۔
