آسٹریلوی بگ بیش لیگ (بی بی ایل) میں پاکستانی اسٹار بابر اعظم کی کارکردگی شائقین کے لیے تشویش کا باعث بنی ہوئی ہے۔
سڈنی میں جاری میچ میں بابر اعظم سڈنی سکسرز کی نمائندگی کر رہے تھے، لیکن وہ اپنی روایتی جارحانہ بیٹنگ کا مظاہرہ کرنے میں ناکام رہے۔ انہوں نے میچ میں صرف 10 گیندوں کا سامنا کیا اور 9 رنز بنا کر کیچ آؤٹ ہوگئے۔ اس طرح ان کی ٹیم کے لیے ابتدائی بلے باز کے طور پر کردار محدود رہا اور ٹیم کے بیٹنگ لائن اپ پر دباؤ بڑھ گیا۔قبل ازیں پرتھ میں کھیلے گئے افتتاحی میچ میں بھی بابر اعظم اپنی توقعات کے مطابق کارکردگی نہیں دکھا سکے تھے۔ اس میچ میں انہوں نے صرف 5 گیندوں کا سامنا کیا اور 2 رنز بنا کر کیچ آؤٹ ہوگئے تھے۔
بی بی ایل میں اس وقت کئی پاکستانی کھلاڑی کھیل رہے ہیں، جن میں بابر اعظم کے علاوہ شاہین آفریدی، شاداب خان، محمد رضوان شامل ہیں، جو مختلف ٹیموں میں شامل ہیں۔ پاکستانی شائقین ان کھلاڑیوں سے شاندار کارکردگی کی توقع رکھتے ہیں، تاہم بابر اعظم کی موجودہ فارم ٹیم کے لیے تشویش کا باعث بنی ہوئی ہے۔میچ کے دوران سخت سیکیورٹی انتظامات کیے گئے، اور سڈنی سکسرز اور ایڈیلیڈ اسٹرائیکرز کے درمیان میچ میں دلچسپی برقرار رہی۔
