کیتھولک مسیحیوں کے مذہبی رہنما پوپ لیو نے فلسطینیوں کے حق میں اہم بیان دیتے ہوئے فلسطین کے فوری قیام پر زور دیا ہے۔
انہوں نے کہا ہے کہ مسئلہ فلسطین کا منصفانہ اور دیرپا حل صرف دو ریاستی حل سے ہی ممکن ہے، جس کے تحت فلسطینیوں اور اسرائیلیوں دونوں کے حقوق کا تحفظ کیا جائے۔پوپ لیو نے مغربی کنارے میں فلسطینی عوام کے خلاف جاری تشدد پر گہری تشویش کا اظہار کرتے ہوئے اس کی فوری روک تھام کا مطالبہ کیا۔ انہوں نے اس علاقے میں امن قائم کرنے کے لیے عالمی برادری سے مزید کردار ادا کرنے کی اپیل کی، تاکہ فلسطینی شہریوں کے خلاف ہونے والی جارحیت اور تشدد کو روکا جا سکے۔انہوں نے زور دیا کہ فلسطینیوں کے لیے دیرپا امن کے قیام کی کوششوں کو تیز کیا جائے، کیونکہ یہ مسئلہ صرف سیاسی حل سے ہی حل ہو سکتا ہے۔ پوپ لیو نے یہ بھی کہا کہ دنیا بھر میں امن کی جدوجہد میں مذہبی رہنماؤں کو آگے آنا ہوگا تاکہ ایک پرامن اور مستحکم فلسطین کے قیام کی راہ ہموار کی جا سکے۔ان کا یہ بیان بین الاقوامی سطح پر فلسطین کے حق میں ایک اہم پیغام ہے، جس میں امن اور استحکام کے لیے فوری اقدامات کی ضرورت پر زور دیا گیا ہے۔
