عالمی مارکیٹ میں بدھ کے روز سونے کی قیمت میں اضافہ جبکہ خام تیل کی قیمتوں میں کمی ریکارڈ کی گئی۔
سرمایہ کاروں کی توجہ امریکی فیڈرل ریزرو کے آئندہ پالیسی فیصلے پر مرکوز ہے، جبکہ شرح سود میں اضافے کی توقعات بڑی حد تک مارکیٹ میں پہلے ہی شامل ہوچکی ہیں۔اسپاٹ گولڈ کی قیمت 0.8 فیصد اضافے کے بعد 4,328.39 ڈالر فی اونس تک پہنچ گئی۔ پیر کو سونے کی قیمت ایک ماہ سے زائد عرصے کی کم ترین سطح پر آگئی تھی۔دوسری جانب دسمبر کی ترسیل کے لیے امریکی گولڈ فیوچرز 0.9 فیصد کمی کے ساتھ 4,369.50 ڈالر فی اونس پر رہے۔مارکیٹ تجزیہ کار فرینک وال بام کے مطابق امریکی فیڈرل ریزرو کا سخت مؤقف سونے کی قیمت پر مزید دباؤ ڈال سکتا ہے، جبکہ نرم پالیسی کے اشارے شرح سود میں اضافے کی توقعات کم کرکے سونے کی قیمت میں بحالی کا باعث بن سکتے ہیں۔
سرمایہ کار تیل کی قیمتوں اور مشرق وسطیٰ کی صورتحال پر بھی نظر رکھے ہوئے ہیں۔ سونا عموماً مہنگائی کے خلاف تحفظ کا ذریعہ سمجھا جاتا ہے، تاہم شرح سود میں اضافہ سونا رکھنے کی مواقعی لاگت بڑھا دیتا ہے۔کومرز بینک کے مطابق موجودہ حالات میں سونے کی قیمت پر زیادہ دباؤ نہ آنا قدرے حیران کن ہے۔
