نائب وزیراعظم و وزیرِ خارجہ سینیٹر محمد اسحاق ڈار کو سعودی عرب کے وزیرِ خارجہ شہزادہ فیصل بن فرحان نے ٹیلی فون کیا۔
ترجمان دفتر خارجہ کے مطابق، گفتگو میں خطے کی موجودہ صورتحال، حالیہ علاقائی پیش رفت اور باہمی تعلقات پر تبادلہ خیال کیا گیا۔اس دوران، شہزادہ فیصل بن فرحان نے خطے میں امن و استحکام کے لیے پاکستان کے کردار کو سراہا اور اس عزم کا اعادہ کیا کہ خطے میں پائیدار امن کے لیے تمام ممالک کو مل کر کام کرنا ہوگا۔ انہوں نے دونوں ممالک کے مابین دیرپا تعاون اور روابط کو مزید مضبوط بنانے پر زور دیا۔اسحاق ڈار نے سعودی عرب کی مسلسل حمایت پر مملکت کا شکریہ ادا کیا اور کہا کہ پاکستان سعودی عرب کے ساتھ علاقائی اور عالمی امور پر قریبی تعاون کو مزید مستحکم بنانے کے لیے پُرعزم ہے۔ انہوں نے یہ بھی کہا کہ پاکستان خطے میں امن، استحکام اور ترقی کے لیے سعودی عرب کے ساتھ مل کر کام کرنے کا خواہاں ہے۔ اس گفتگو سے دونوں ممالک کے درمیان دو طرفہ تعلقات کے مزید مضبوط ہونے کے امکانات نمایاں ہوئے۔
