انڈونیشیا کے وزیرِ دفاع سجفری سجم الدین نے اعلان کیا ہے کہ ان کا ملک چین سے جے-10 لڑاکا طیارے حاصل کرنے جا رہا ہے۔
انہوں نے واضح نہیں کیا کہ یہ معاہدہ کب تک مکمل ہوگا یا اس کی قیمت کیا ہوگی، لیکن انہوں نے کہا کہ یہ طیارے جلد ہی جکارتہ کی فضاؤں میں دیکھے جا سکیں گے۔چینی تجزیہ کاروں کے مطابق، جے-10 طیارے کم لاگت میں اعلیٰ صلاحیتیں فراہم کرتے ہیں اور عالمی ہتھیاروں کی مارکیٹ میں ایک مقبول آپشن کے طور پر جانے جاتے ہیں۔ یاد رہے کہ اس سال مئی میں پاکستان کی فضائیہ نے بھارتی فضائیہ کے ساتھ ہوئی فضائی جھڑپ میں چین کے ساختہ جے-10 طیاروں کا استعمال کیا، جنہوں نے بھارتی رافیل طیاروں سمیت دیگر دشمن طیاروں کو شکست دی، اور اس کارکردگی نے دنیا کو حیرت میں ڈال دیا۔
اس جھڑپ میں، امریکی صدر ڈونلڈ ٹرمپ نے بھی پاکستان کی فضائیہ کی کامیابیوں کو سراہتے ہوئے اس معرکے کو اہم قرار دیا۔ انڈونیشیا کا یہ فیصلہ خطے میں دفاعی توازن کو تبدیل کرنے کی کوششوں کا حصہ سمجھا جا رہا ہے، اور یہ چین کے لیے ایشیا میں اپنی فوجی موجودگی کو مزید مضبوط کرنے کا ایک اہم قدم بھی ہو سکتا ہے۔
