علی کاظمی کا سوشل میڈیا سے دور رہنے کی وجہ، والد راحت کاظمی سے تعلقات اور خاندانی تربیت پر گفتگو

کراچی : پاکستان شوبز انڈسٹری کے باصلاحیت اداکار علی کاظمی نے حال ہی میں ایک ویب شو میں شرکت کی جہاں انہوں نے سوشل میڈیا سے دور رہنے کی اپنی ذاتی وجہ، خاندانی پس منظر اور والدین سے قریبی تعلقات پر کھل کر بات کی۔

سوشل میڈیا سے دوری کی وجہ:
علی کاظمی نے بتایا کہ وہ سوشل میڈیا پر بہت کم نظر آتے ہیں کیونکہ وہ "تھوڑے پرانے خیالات" کے آدمی ہیں۔ ان کے مطابق:“ہمیں بچپن سے سکھایا گیا کہ نیکی کرو اور دریا میں ڈال دو۔ اگر آپ اچھا کام کریں گے تو لوگ ویسے ہی سراہیں گے، خود اپنی تعریف کرنا ضروری نہیں۔”اداکار نے واضح کیا کہ وہ ان لوگوں پر تنقید نہیں کر رہے جو سوشل میڈیا پر اپنی سرگرمیاں شیئر کرتے ہیں بلکہ یہ ان کی ذاتی ترجیح ہے کہ وہ خود کو اس سے دور رکھتے ہیں۔

والدین سے تعلق اور خاندانی تربیت:
اداکار نے بتایا کہ وہ اپنے والدین، خصوصاً والد راحت کاظمی سے گہرا تعلق رکھتے ہیں۔ انہوں نے انکشاف کیا:"30 جون کو میرے والد کی 80ویں سالگرہ ہے اور میں اس دن ان کے ساتھ وقت گزارنے کو ترجیح دوں گا، بجائے سوشل میڈیا پر پوسٹ کرنے کے۔"انہوں نے مزید کہا کہ:راحت کاظمی سخت مزاج دکھائی دیتے ہیں لیکن حقیقت میں بہت نرم دل انسان ہیں۔
ان کے دادا نے ان کے والد کو آرٹسٹ بننے سے روکا تھا اور انہیں پہلے قانون کی ڈگری مکمل کرنے پر مجبور کیا۔بعد ازاں راحت کاظمی نے آرٹسٹ بننے کے لیے سخت جدوجہد کی۔
والدہ اور بہن کے ساتھ تعلق:
علی کاظمی نے بتایا کہ:“میری والدہ نے میرے ساتھ کبھی سختی نہیں کی، اس لیے میری بہن اکثر شکایت کرتی ہے کہ ماں میرے ساتھ زیادہ نرمی برتتی ہیں۔”
انہوں نے کہا کہ ان کے والدین نے:

کبھی کسی بات سے نہیں روکا
کھل کر بات کرنے کی تربیت دی
اور زندگی میں انسانیت، مخلصی اور ایمانداری سے کام کرنے کا سبق سکھایا۔