چند گھنٹوں کا مارشل لاء مہنگا پڑ گیا، جنوبی کوریا کے صدر گرفتار

صدر یون سوک یول دوران صدارت گرفتار ہونے والے جنوبی کوریا کے پہلے صدر بن گئے
سیول(آئی این پی)جنوبی کوریا کے صدر یون سوک یول کو مارشل کے نفاذ کی کوشش پر گرفتار کرلیا گیا۔غیرملکی میڈیا کے مطابق یون سوک یول صدارت کے دوران گرفتار ہونے والے جنوبی کوریا کے پہلے صدر بن گئے۔ صدر یون کو مارشل لا نافذ کرنے کی کوشش پر گرفتار کیا گیا۔ اس سے قبل صدر کی گرفتاری کی کوششیں ناکام ہوگئی تھیں۔بدھ کی صبح سیکڑوں سکیورٹی اہلکار اور تفتیش کاردیواریں پھلانگ کر صدارتی رہائش گاہ میں داخل ہوئے۔ اس موقع پر صدر کے حامی بھی موجود تھے۔ اس سے قبل 3 جنوری کو بھی صدر یون کی گرفتاری کی کوشش کی گئی تھی تاہم ان کی رہائش گاہ پر موجود سکیورٹی فورسز نے گرفتاری کی کوشش ناکام بنا دی تھی۔