بزدار دور حکومت میں 310 گاڑیاں غیر قانونی خریدے جانے کا سکینڈل سامنے آگیا

 گاڑیاں خریدنے کیلئے کسی فورم پر منظوری نہیں لی گئی،پیپرا رولز کو بھی نظر انداز کیا گیا، حیرت انگیز طور پر پیشگی رقم ادا کردی گئی،ذرائع 
لاہور(آئی این پی ) پی ٹی آئی دور حکومت میں پنجاب میں 310 گاڑیوں کے غیر قانونی طور پر خریدے جانے کا نیا سکینڈل سامنے آگیا ۔ذرائع کے مطابق پی ٹی آئی کی پنجاب میں بزدارحکومت کے دوران دو ارب 12 کروڑ تیس لاکھ روپے مالیت کی سرکاری گاڑیاں بغیر منظوری کے خریدی گئیں۔ تحریک انصاف کے دور میں گاڑیاں خریدنے کیلئے کسی فورم پر منظوری نہیں لی گئی، گاڑیوں کی خریداری کیلئے بورڈ آف ڈائریکٹرز سے بھی منظوری نہیں لی گئی، جبکہ خریداری کیلئے حیرت انگیز طور پر پیشگی رقم ادا کردی گئی۔گاڑیوں کی خریداری کیلئے پیپرا رولز کو بھی نظر انداز کیا گیا۔ سالڈ ویسٹ مینجمنٹ کمپنی کیلئے 310 گاڑیوں کی خریداری کا فیصلہ کس نے کیا؟ پبلک اکانٹس کمیٹی غیر قانونی طور خریداری گئی گاڑیوں کی تحقیقات کیلئے متعلقہ افسران کو طلب کرے گی۔