ویب ڈیسک: خیبر پختونخوا میں گزشتہ روز سرکاری ہیلی کاپٹر کے حادثے کے بعد خصوصی تحقیقاتی ٹیم جائے وقوعہ ضلع مہمند پہنچ گئی، جس نے فضائی جائزہ لیا اور حادثے کی جگہ کی ویڈیوز اور تصاویر بنائیں۔
تحقیقات کی تفصیلات:
دشوار گزار علاقے کے باعث تحقیقاتی ٹیم کا ہیلی کاپٹر جائے وقوعہ یا اطراف میں لینڈ نہیں کر سکا۔ذرائع کے مطابق تحقیقاتی ٹیم حادثے کے مقام کا دوبارہ دورہ کرے گی تاکہ مزید تحقیقات کی جا سکیں۔
حادثے کا پس منظر:
گزشتہ روز خیبر پختونخوا حکومت کا سرکاری ہیلی کاپٹر امدادی کارروائیوں سے واپسی پر مہمند میں کریش ہوا۔حادثے میں دو پائلٹس سمیت عملے کے پانچ افراد شہید ہوئے۔ابتدائی رپورٹ کے مطابق حادثہ خراب موسم اور شدید دھند کے باعث پیش آیا۔شہداء کی ڈی این اے سیمپل ٹیسٹ کے لیے لاہور بھیج دیے گئے ہیں۔
شہداء کی شناخت اور اقدامات:
شہداء میں پائلٹس شاہد سلطان اور ریٹائرڈ ونگ کمانڈر آفتاب شامل ہیں۔شہداء کی لاشیں ہیلی کاپٹر کے ذریعے پشاور منتقل کی گئیں۔ورثاء، پولیس اور ریسکیو 1122 حکام خیبر میڈیکل کالج پہنچ گئے۔نماز جنازہ آج سول سیکریٹریٹ میں ادا کی جائے گی۔
سماجی ردعمل:
حادثے کے بعد خیبر پختونخوا کے سرکاری عمارتوں پر قومی پرچم سرنگوں کر دیے گئے ہیں، اور آج سوگ منایا جا رہا ہے۔
