ڈی جی نادرا لاہور ریجن فضہ شاہدکی اقلیتی نمائندوں سے ملاقات‘نمائندوں نے مہم کو سراہا
لاہور(خصوصی رپورٹر) عوام کی شب وروزخدمت میں کوشاں نیشنل ڈیٹابیس اینڈ رجسٹریشن اتھارٹی(نادرا)کے زیراہتمام 4 سے 11 اگست تک اقلیتی برادری کی قومی رجسٹریشن کے حوالے سے مہم چلائی گئی۔چیئرمین نادرا کی ہدایت پر ڈی جی نادرا لاہور ریجن فضہ شاہدنے ا قلیتوں کی رجسٹریشن کے حوالے سے مختلف اقلیتی نمائندوں سے ملاقات کی اورانہیں قومی رجسٹریشن کے مقاصد اورمہم کی پیش رفت کے حوالے سے تفصیلی بریفنگ دی ۔ اقلیتی نمائندوں نے نادرا کی اس رجسٹریشن مہم اور کردار کو بھرپور سراہا ۔ مہم کے دوران نادرا لاہور ریجن کے 8 اضلاع میں مختلف اقلیتوں کے 1375سے زائد افراد کو شناختی کارڈزودیگر د ستاویزات کا اجراء کیا گیا
