لاہور (ویب ڈیسک):برائلر گوشت کی قیمتوں میں ہوشربا اضافہ شہریوں کے لیے پریشانی کا باعث بن گیا ہے، جبکہ ضلعی انتظامیہ تاحال برائلر گوشت کی سرکاری قیمت مقرر کرنے میں ناکام رہی ہے۔
اس کے نتیجے میں شہریوں کو من مانے داموں پر گوشت خریدنے پر مجبور ہونا پڑ رہا ہے۔
مارکیٹ میں برائلر گوشت کی قیمتیں:
برائلر گوشت: 620 روپے فی کلو
صافی گوشت (صاف کیا گیا): 720 روپے فی کلو
بون لیس برائلر: 950 روپے فی کلو
زندہ مرغی کی قیمتیں:
فارم ریٹ: 383 سے کم ہو کر 380 روپے فی کلو مقرر
تاہم فارم پر زندہ مرغی 400 روپے فی کلو تک فروخت ہو رہی ہے
ہول سیل ریٹ: 394 روپے فی کلو، مگر دکانداروں کو 410 روپے فی کلو میں سپلائی
پرچون ریٹ: 408 روپے فی کلو، لیکن اصل قیمت اس سے تجاوز کر چکی ہے
انڈوں کی قیمتوں میں بھی اضافہ:
ریٹیل پرائس: 226 روپے فی درجن
ہول سیل مارکیٹ میں انڈوں کی پیٹی: 6,660 روپے
شہریوں نے برائلر اور انڈوں کی بڑھتی قیمتوں پر شدید ردِعمل کا اظہار کرتے ہوئے متعلقہ اداروں سے مطالبہ کیا ہے کہ قیمتوں کو فوری کنٹرول کیا جائے۔ شہریوں کا کہنا ہے کہ نہ صرف پرائس کنٹرول کمیٹیاں غیر فعال ہو چکی ہیں بلکہ گرانفروشوں کو کھلی چھوٹ مل گئی ہے۔
