ویب ڈیسک: بالی ووڈ اداکارہ پریتی زنٹا کی کرکٹ ٹیم پنجاب کنگز نے انڈین پریمیئر لیگ (آئی پی ایل) 2025 میں ایک نئی تاریخ رقم کر دی ہے۔
پنجاب کنگز نے منگل کے روز شاہ رخ خان کی ٹیم کولکتہ نائٹ رائیڈرز کو دلچسپ مقابلے کے بعد شکست دے کر آئی پی ایل کی تاریخ میں سب سے کم اسکور کا کامیابی سے دفاع کرنے کا ریکارڈ قائم کیا۔
پنجاب کنگز کا کم اسکور اور شاندار دفاع:
ملانپور میں کھیلے گئے میچ میں پنجاب کنگز کی ٹیم پہلے بیٹنگ کرتے ہوئے صرف 111 رنز بنا کر 16ویں اوور میں آؤٹ ہو گئی۔ کولکتہ نائٹ رائیڈرز کے لیے 112 رنز کا ہدف بظاہر کافی آسان لگ رہا تھا، لیکن پنجاب کنگز کے بولرز نے اس کو ناممکن بنا دیا۔
پنجاب کنگز کے بولرز کا کمال:
112 رنز کے ہدف کے تعاقب میں پنجاب کنگز کے بولرز نے شاندار بولنگ کا مظاہرہ کیا اور کولکتہ نائٹ رائیڈرز کی پوری ٹیم کو 16 ویں اوور میں صرف 95 رنز پر ڈھیر کر دیا۔
نئی تاریخ کا قیام:
یوں، پنجاب کنگز نے کم اسکور کرنے کے باوجود میچ 16 رنز سے جیت کر آئی پی ایل کی تاریخ میں نئی تاریخ رقم کی۔ اس کامیابی کے بعد پنجاب کنگز آئی پی ایل کی تاریخ میں کم ترین اسکور کا کامیابی سے دفاع کرنے والی ٹیم بن گئی۔اس سے قبل یہ ریکارڈ چنئی سپر کنگز کے پاس تھا، جس نے 2009 میں پنجاب کے خلاف 116 رنز کا کامیابی سے دفاع کیا تھا۔
پنجاب کنگز کی فتح میں بولرز کا کردار:
کولکتہ نائٹ رائیڈرز کے خلاف اس تاریخی فتح میں پنجاب کنگز کے لیگ اسپنر چاہل نے 4 وکٹیں حاصل کیں، جب کہ فاسٹ بولر ماکور یانسن نے 3 وکٹیں حاصل کر کے اپنی ٹیم کی فتح میں اہم کردار ادا کیا۔
