27ویں آئینی ترمیم آئین اور جمہوریت پر حملہ ہے:حافظ حمداللہ

 ترمیم سے کچھ افراد کو خصوصی استثنیٰ دے کر آئین کی روح کو مجروح کیا گیا:رہنما جے یوآئی
پشاور (آن لائن) جمعیت علمائے  اسلام کے مرکزی رہنما مولانا حافظ حمداللہ نے ستائیسویں آئینی ترمیم پر سخت موقف اختیار کرتے ہوئے اسے 1973 کے آئین اور میثاق جمہوریت پر ایک خودکش حملہ قرار دیا ہے۔  اپنے بیان میں انہوں نے کہا کہ اس ترمیم سے کچھ افراد کو خصوصی استثنیٰ دے کر ملکی آئین کی روح کو مجروح کیا گیا ہے اور یہ شخصیات کو مضبوط کرنے کے بجائے اداروں کی کمزوری کا سبب بن رہی ہے۔ انہوں نے  کہا کہ جن سیاسی جماعتوں نے اس ترمیم کے حق میں ووٹ دیا، تاریخ میں انہیں سیاہ الفاظ میں یاد رکھا جائے گا۔ 27ویں آئینی ترمیم نے عدلیہ کو حکومت کے تابع کر دیا  ہے، جس سے 1973 کے آئین کی متفقہ حیثیت ختم ہوگئی ہے