انڈونیشیا کے صوبے پاپوا میں جمعہ کے روز 6.5 شدت کا زلزلہ ریکارڈ کیا گیا ہے، تاہم تاحال کسی جانی نقصان کی اطلاع نہیں ملی۔
غیر ملکی میڈیا کے مطابق، انڈونیشیا کی جیو فزکس ایجنسی نے تصدیق کی ہے کہ زلزلے کی وجہ سے سونامی کا کوئی خطرہ نہیں ہے۔ زلزلے کا مرکز 10 کلومیٹر کی گہرائی میں تھا، جو کہ زمین کے اندر گہرے زلزلوں میں شامل ہے۔انڈونیشیا میں زلزلوں کا سلسلہ اکثر جاری رہتا ہے کیونکہ یہ بحرالکال میں "آگ کے دائرے" پر واقع ہے، جہاں زمین کی پرتیں ایک دوسرے سے ٹکراتی رہتی ہیں، جس سے شدید زلزلے آتے ہیں۔
پچھلے کچھ سالوں میں انڈونیشیا میں آنے والے زلزلوں میں بڑی تعداد میں انسانی جانیں ضائع ہوئی ہیں۔ نومبر 2022 میں جزیرے جاوا میں 5.6 شدت کے زلزلے میں 162 افراد ہلاک ہوئے تھے۔ اسی طرح، 2021 میں ہونے والے دو زلزلوں میں 200 سے زائد افراد کی ہلاکت ہوئی تھی۔ 2018 میں، ایک سمندری زلزلے اور اس کے نتیجے میں آنے والی سونامی میں 2,000 سے زیادہ افراد ہلاک ہوئے تھے۔پاپوا میں حالیہ زلزلے کی شدت اگرچہ کم تھی، لیکن انڈونیشیا کی زلزلہ متاثرہ تاریخ کو مدنظر رکھتے ہوئے لوگوں میں خوف و ہراس پھیل گیا۔
