ویب ڈیسک: پاکستان کے نائب وزیر اعظم اور وزیر خارجہ سینیٹر اسحاق ڈار نے شنگھائی تعاون تنظیم (SCO) کے وزرائے خارجہ کے ہمراہ چین کے صدر شی جن پنگ سے ملاقات کی۔
ملاقات میں علاقائی روابط، تعاون، اور تنظیم کے کردار پر تبادلہ خیال کیا گیا۔
چینی صدر کا خیرمقدم اور پیغام
چینی صدر شی جن پنگ نے:SCO وزرائے خارجہ اور وفود کے سربراہان کا پُرتپاک خیرمقدم کیا.کہا کہ شنگھائی تعاون تنظیم خطے کے امن، ترقی اور استحکام میں کلیدی کردار ادا کر رہی ہے.
یوریشیائی خطے میں تعاون اور ہم آہنگی کو مزید مضبوط بنانے پر زور دیا.
اسحاق ڈار بیجنگ پہنچے، وفد کا پرتپاک استقبال
نائب وزیر اعظم اسحاق ڈار:SCO وزرائے خارجہ اجلاس میں شرکت کے لیے بیجنگ پہنچے.بیجنگ ایئرپورٹ پر ان کا استقبال چینی وزارتِ خارجہ کی سینئر سفارت کار مس یو ہونگ، پاکستانی سفیر خلیل الرحمٰن ہاشمی اور دیگر اعلیٰ حکام نے کیا.
پاکستانی وفد کی قیادت
اسحاق ڈار تیانجن میں منعقدہ SCO وزرائے خارجہ کی کونسل کے اجلاس میں پاکستانی وفد کی قیادت کر رہے ہیں۔ اجلاس میں:رکن ممالک کے درمیان علاقائی تعاون، سیکیورٹی، انسداد دہشت گردی، اور معیشت جیسے امور پر گفتگو کی گئی.اس بات پر زور دیا گیا کہ تنظیم کا ریجنل انسداد دہشت گردی ڈھانچہ (RATS) سیکیورٹی کے لیے ایک مرکزی ادارہ بن چکا ہے
SCO کا پس منظر
شنگھائی تعاون تنظیم کا قیام 2001 میں عمل میں آیا.اس کے مستقل رکن ممالک میں: چین، روس، پاکستان، بھارت، ایران، قازقستان، کرغزستان، ازبکستان، تاجکستان، اور بیلاروس شامل ہیں.تنظیم کا مقصد علاقائی استحکام، باہمی اعتماد، اور سیکیورٹی تعاون کو فروغ دینا ہے
