وزیر اعلیٰ پنجاب مریم نواز کے خلاف سوشل میڈیا پر مہم چلانے کے الزام میں پاکستان تحریک انصاف (پی ٹی آئی) کے رہنما شہباز گل اور سینئر صحافی عمران ریاض کے خلاف وفاقی تحقیقاتی ادارے (ایف آئی اے) نے مقدمہ درج کر لیا ہے۔
ایف آئی اے کی جانب سے جاری بیان میں کہا گیا کہ ملزمان نے مریم نواز کے خلاف سوشل میڈیا پر منظم مہم چلائی، جس کے بعد ان کے خلاف قانونی کارروائی شروع کی گئی ہے۔ ایف آئی اے نے بتایا کہ فیصل آباد اور جتوئی سے ملزمان کو گرفتار کیا گیا ہے اور مزید تحقیقات کے لیے دونوں کی گرفتاری کا عمل جاری ہے۔ترجمان نے یہ بھی کہا کہ ملزمان کی گرفتاری کے لیے ایک مشترکہ انویسٹیگیشن ٹیم تشکیل دی گئی ہے، جس کا مقصد معاملے کی تفصیلات اور سوشل میڈیا پر پھیلائی جانے والی مواد کا جائزہ لے کر قانونی کارروائی کرنا ہے۔شہباز گل اور عمران ریاض نے ان الزامات کی تردید کی ہے، تاہم ایف آئی اے کے مطابق دونوں افراد کے خلاف الزامات کی تحقیقات جاری ہیں۔
