آئی سی سی چیمپئنز ٹرافی 2025 کا آغاز 19 فروری سے پاکستان میں ہو رہا ہے، جس میں دنیا کی 8 بہترین ٹیمیں شرکت کر رہی ہیں۔
تاہم، متعدد اہم کھلاڑی انجری یا دیگر وجوہات کی بنا پر اس میگا ایونٹ سے باہر ہو چکے ہیں، جس سے ان کی ٹیموں کو قابلِ ذکر نقصان کا سامنا ہے۔
پاکستان:
صائم ایوب: پاکستانی اوپننگ بیٹسمین صائم ایوب انجری کے باعث چیمپئنز ٹرافی میں شرکت نہیں کر سکیں گے۔
بھارت:
جسپریت بمراہ: بھارتی فاسٹ بولر جسپریت بمراہ انجری کی وجہ سے ایونٹ سے باہر ہو گئے ہیں، جو بھارتی بولنگ لائن اپ کے لیے بڑا دھچکا ہے۔
آسٹریلیا:
پیٹ کمنز: آسٹریلوی کپتان اور فاسٹ بولر پیٹ کمنز ٹخنے کی انجری کے باعث ٹورنامنٹ سے باہر ہو چکے ہیں، ان کی غیر موجودگی میں سٹیو سمتھ ٹیم کی قیادت کریں گے۔
مچل سٹارک: فاسٹ بولر مچل سٹارک نے ذاتی وجوہات کی بنا پر چیمپئنز ٹرافی سے دستبرداری اختیار کی ہے۔
جوش ہیزل ووڈ، مارکس اسٹوئنس، مچل مارش: یہ تینوں کھلاڑی بھی مختلف انجریز کی وجہ سے ایونٹ میں شرکت نہیں کر سکیں گے۔
جنوبی افریقہ:
اینرک نوکیا، جیرالڈ کوئیٹزی: دونوں فاسٹ بولرز انجری کے باعث ٹورنامنٹ سے باہر ہو چکے ہیں، جس سے جنوبی افریقی بولنگ اٹیک متاثر ہوا ہے۔
افغانستان:
ایم غضنفر: افغانستان کے اسپنر ایم غضنفر ریڑھ کی ہڈی میں فریکچر کی وجہ سے چیمپئنز ٹرافی میں شرکت نہیں کر سکیں گے۔
انگلینڈ:
جیکب بیتھل: انگلش آل راؤنڈر جیکب بیتھل ہیمسٹرنگ انجری کے باعث ایونٹ سے باہر ہو گئے ہیں۔ ان کی جگہ ٹام بینٹن کو اسکواڈ میں شامل کیا گیا ہے۔
نیوزی لینڈ:
بین سیئرز: کیوی فاسٹ بولر بین سیئرز ہیمسٹرنگ انجری کے باعث ٹورنامنٹ سے باہر ہو چکے ہیں۔ ان کی جگہ جیکب ڈفی کو ٹیم میں شامل کیا گیا ہے۔ان کھلاڑیوں کی غیر موجودگی میں ان کی ٹیموں کو متبادل کھلاڑیوں پر انحصار کرنا ہوگا، جو ان کی کارکردگی اور ٹورنامنٹ کے نتائج پر اثرانداز ہو سکتا ہے۔
