سبزہ زار کے علاقے میں سٹیج اداکارہ سدرہ عرفان المعروف عروج خان کو زیادتی کا نشانہ بنا دیا گیا ہے۔
سبزہ زار پولیس نے ملزم ناصر خان کے خلاف مقدمہ درج کر لیا ہے۔ایف آئی آر کے مطابق، ملزم ناصر خان نے بہانے سے دوستی شروع کی، پھر نشہ آور چیز پلا کر اس کے ساتھ زیادتی کی۔ اس کے علاوہ، ملزم نازیبا ویڈیوز بنا کر اداکارہ کو بلیک میل کرتا رہا۔ایف آئی آر کے متن کے مطابق، جب اداکارہ نے ملزم کی مطالبات پورے کرنے سے انکار کیا تو اس نے گھر پر فائرنگ بھی کی۔پولیس کا کہنا ہے کہ ملزم کے خلاف تحقیقات جاری ہیں اور جلد ہی اسے گرفتار کرکے حقائق قوم کے سامنے لائے جائیں گے۔ یہ واقعہ علاقے میں تشویش کی لہر پیدا کر گیا ہے، اور پولیس کارروائی میں مصروف ہے۔
