لاہور میں دودھ اور دہی کی مہنگی قیمتیں، شہریوں کی مشکلات میں اضافہ

لاہور میں دودھ اور دہی کی سرکاری قیمتوں پر عملدرآمد نہ ہونے کی وجہ سے شہریوں کو مہنگے داموں خریداری کرنا پڑ رہی ہے۔

ضلعی انتظامیہ نے دودھ کی سرکاری قیمت 170 روپے فی لیٹر مقرر کی ہے، لیکن اوپن مارکیٹ میں دودھ 220 سے 240 روپے فی لیٹر تک فروخت کیا جا رہا ہے۔ اسی طرح، دہی کی سرکاری قیمت پر بھی عملدرآمد نہیں ہو رہا، اور اوپن مارکیٹ میں دہی 240 سے 260 روپے فی کلو تک فروخت ہو رہا ہے۔شہریوں نے ضلعی انتظامیہ سے مطالبہ کیا ہے کہ دودھ اور دہی کی سرکاری قیمتوں پر فروخت کو یقینی بنانے کے لیے مؤثر کارروائی کی جائے۔ دوسری جانب، شیر فروشوں کا موقف ہے کہ مہنگے داموں دودھ خرید کر اسے سرکاری نرخ پر فروخت کرنا ممکن نہیں، جس کی وجہ سے قیمتوں میں عدم توازن برقرار ہے۔یہ صورتحال صارفین میں تشویش کا سبب بن چکی ہے اور حکومت سے مطالبہ کیا جا رہا ہے کہ اس مسئلے کو جلد حل کیا جائے تاکہ عوام کو سستی اور معیاری اشیاء فراہم کی جا سکیں۔