ایشیائی مارکیٹس میں جمعے کے روز بٹ کوائن نے تاریخ کا نیا سنگِ میل عبور کر لیا، جب اس کی قیمت پہلی بار 1 لاکھ 24 ہزار امریکی ڈالر سے تجاوز کر گئی۔
ایشیائی تجارتی اوقات کے آغاز پر بٹ کوائن کی قدر میں نمایاں اضافہ دیکھا گیا، جو امریکی اسٹاک مارکیٹ کی مثبت کارکردگی اور کرپٹو کرنسی کے لیے موافق قانون سازی کے باعث ممکن ہوا۔جولائی میں قائم ہونے والا سابقہ ریکارڈ ٹوٹ گیا، اور بٹ کوائن مختصر وقت کے لیے 124,500 ڈالر تک پہنچا، تاہم بعد میں اس میں معمولی کمی آئی۔ امریکی اسٹاکس، خصوصاً ایس اینڈ پی 500 اور نیسڈیک انڈیکس، نے رواں ہفتے بلند ترین سطح کو چھوا، جس نے کرپٹو مارکیٹ کو بھی تقویت دی۔ماہرین کے مطابق، اس اضافے کی ایک بڑی وجہ امریکی صدر ڈونلڈ ٹرمپ کے دور میں کی جانے والی ریگولیٹری تبدیلیاں ہیں، کیونکہ وہ کرپٹو کرنسی کے بڑے حامی سمجھے جاتے ہیں۔ اس کے ساتھ ساتھ، کرپٹو مارکیٹ کے بڑے سرمایہ کار، جنہیں "وہیلز" کہا جاتا ہے، نے بھی مارکیٹ کو سہارا دینے میں اہم کردار ادا کیا۔
