وزیراعظم کی ’’نشان پاکستان‘‘لینے سے معذرت، اپنا نام فہرست سے نکال دیا

سول و ملٹری ایوارڈز کمیٹی نے وزیراعظم  کا نام ایوارڈ کے لئے تجویز کیا تھا‘شہبازشریف نے اپنا نام نکال کر باقی ناموں کی منظوری دیدی
اسلام آباد(آئی این پی) سول و ملٹری ایوارڈز کمیٹی نے وزیراعظم شہباز شریف کا نام"نشان پاکستان" کے لیے تجویز کیا تھا تاہم وزیراعظم نے اپنا نام اس فہرست سے نکال دیا۔ میڈیا رپورٹ کے مطابق  ایوان صدر میں ہونے والی پروقار تقریب میں صدر مملکت آصف علی زرداری نے سول و عسکری شخصیات کو اعلی اعزازت سے نوازا۔اس حوالے سے ذرائع کا بتانا ہے کہ کمیٹی نے وزیراعظم شہبازشریف کا نام "نشان پاکستان" کے لیے تجویز کیا تھا تاہم کمیٹی کی بھیجی گئی سمری ملنے پر وزیراعظم نے اپنا نام فہرست سے نکال کر  باقی تمام ناموں کی منظوری دیدی۔ اس کے علاوہ سینئر صحافی اور ایڈیٹر انویسٹی گیشن دی نیوز انصار عباسی نے بھی معرکہ حق ایوارڈ لینے سے معذرت کی۔انصار عباسی نے سیکرٹری کابینہ کو ایوارڈ نہ لینے کے فیصلے آگاہ کرتے ہوئے کہا  پوری قوم معرکہ حق ایوارڈ کی حق دار ہے ، انہوں نے کوئی ایسا غیر معمولی کام نہیں کیا اور جو کیا وہ ان کا فرض تھا۔