ویب ڈیسک: بھارت کے خلاف پہلے ون ڈے سے قبل آسٹریلیا کو بڑے نقصان کا سامنا کرنا پڑا ہے، کیونکہ دو اہم کھلاڑی دستیاب نہیں ہوں گے۔
وکٹ کیپر جوش انگلیس انجری کے باعث پہلے ون ڈے میں حصہ نہیں لیں گے۔لیگ اسپنر ایڈم زیمپا خاندانی مصروفیات کے باعث میچ میں شامل نہیں ہوں گے۔آسٹریلیا کے مستقل وکٹ کیپر بلے باز، جو ایشیز سیریز کی تیاری کے لیے شیفیلڈ شیلڈ کھیل رہے ہیں، پہلے ون ڈے میں دستیاب نہیں۔
ٹیم میں تبدیلیاں
جوش انگلیس کی جگہ جوش فلپ اور ایڈم زیمپا کی جگہ میتھیو کوہنیمن کو اسکواڈ میں شامل کیا گیا ہے۔پہلے ہی کپتان پیٹ کمنز اور جارح مزاج آل راؤنڈر گلین میکسویل انجری کے باعث اسکواڈ کا حصہ نہیں ہیں۔یہ صورتحال آسٹریلوی ٹیم کے لیے بھارت کے خلاف ون ڈے سیریز میں چیلنجز بڑھا سکتی ہے، خاص طور پر وکٹ کیپر اور اسپنر کے فقدان کی وجہ سے ٹیم کی توازن متاثر ہونے کا خدشہ ہے۔
