لاہور میں سڑکوں کی کھدائی، سیوریج لائنوں کی تعمیر سے سموگ میں اضافے کا خدشہ

  تعمیراتی سرگرمیوں کے دوران احتیاطی اقدامات نہ ہونے سے  مٹی کی مقدار خطرناک حد تک بڑھ چکی ہے:ماحولیاتی ماہرین
لاہور(آئی این پی )لاہور کے مختلف علاقوں میں جاری ترقیاتی منصوبوں  کے دوران سڑکوں کی کھدائی، سیوریج لائنوں کی تعمیر اور ناقص حفاظتی انتظامات کے باعث شہریوں کو شدید مشکلات کا سامنا ہے۔ان منصوبوں کے دوران اڑتی دھول، مٹی اور جمع سیوریج کا پانی نہ صرف شہری زندگی کو متاثر کر رہا ہے بلکہ ماحولیاتی ماہرین کے مطابق یہ صورتحال اسموگ میں اضافے کا باعث بھی بن سکتی ہے۔ میڈیارپورٹ کے مطابق قائداعظم انٹرچینج سے واہگہ بارڈر تک جی ٹی روڈ کی دونوں اطراف سیوریج لائن کی تنصیب کا کام کئی مہینوں سے جاری ہے۔ مقامی آبادی اس منصوبے کو علاقے کے دیرینہ مسائل کے حل کے طور پر دیکھ رہی ہے، تاہم ان کا کہنا ہے کہ تعمیراتی سرگرمیوں کے دوران احتیاطی اقدامات نہ ہونے سے دھول مٹی کی مقدار خطرناک حد تک بڑھ چکی ہے۔