نشتر ہسپتال ملتان میں ڈائیلیسز کے 30مریض ایڈز کا شکار

 ڈائیلیسز یونٹ میں ایڈز کے مریض کا ڈائیلیسز کیاگیاتھا، اسی مشین پر دیگرکا ڈائیلیسزکرنے سے وائرس منتقل ہوا
ملتان(آئی این پی )نشتر ہسپتال ملتان میں ڈائیلیسز کے 30مریض ایڈز کا شکار ہو گئے۔ میڈیارپورٹ کے مطابق ہسپتال انتظامیہ کاکہنا ہے کہ ملتان نشتر ہسپتال میں 30مریض ایڈز میں مبتلا ہو گئے، ہسپتال کے ڈائیلیسز یونٹ میں ایڈز کے مریض کا ڈائیلیسز کیاگیاتھا، اسی مشین پر دیگر مریضوں کا ڈائیلیسزکرنے سے وائرس منتقل ہوا، واقعے کے بعد 2ڈائیلیسز مشینوں کو بند کر دیاگیا۔ایم ایس ڈاکٹر کاظم نے کہاہے کہ چند مریضوں میں ایڈز میں مبتلا ہونے کا علم ہوا ہے،واقعے سے متعلق انکوائری کمیٹی بنا دی گئی ہے۔ان کاکہنا ہے کہ مریض کا 6ماہ بعد ایڈز اور 3ماہ بعد ہیپاٹائٹس سکریننگ ٹیسٹ کرایا جاتا ہے،ممکن ہے کسی مریض نے باہر سے خون لگوایا ہو اور ایڈز کے جراثیم اس میں منتقل ہو گئے ہوں۔