قوم کو متحد رکھنے کیلئے عمران خان کو باہر لانا ناگزیر ہے:پرویز الہی

پاک فضائیہ اور پاک فوج کو جتنا بھی خراج تحسین پیش کیا جائے  وہ کم ہے:عدالت پیشی پر گفتگو
 لاہور (آئی این پی ) پی ٹی آئی کے مرکزی صدر و سابق وزیر اعلی پنجاب چودھری پرویز الہی نے کہا ہے  پاک فضائیہ اور پاک فوج کو جتنا بھی خراج تحسین پیش کیا جائے کم ہے۔وہ عدالت میں پیشی کے بعد میڈیا سے بات کر رہے تھے، انہوں نے کہا کہ اللہ کے فضل و کرم سے ساری قوم متحد اور اکٹھی ہے، انہوں نے کہا کہ قوم کو متحد رکھنے کیلئے عمران خان کو باہر لانا ناگزیر ہے۔ چودھری پرویز الہی نے کہا کہ ملک دشمنی کی بات جہاں ہو گی وہاں ہم سب اکٹھے ہیں، انہوں نے کہا کہ ہمارے اختلافات ہیں اور رہیں گے۔انہوں نے کہا کہ بھارت کو جتنی مار پڑ گئی ہے اب وہ دوبارہ حملے کی جرت نہیں کرے گا، اگر بھارت نے دوبارہ حملہ کیا تو پھر مار پڑے گی۔