چیئرمین پیپلز پارٹی بلاول بھٹو زرداری نے کراچی میں سندھ حکومت کے پبلک پرائیویٹ کیریئر پورٹل اور ایپلیکیشن "آئی ورک فار سندھ" کی افتتاحی تقریب سے خطاب کرتے ہوئے کہا کہ پانی کے مسئلے پر ہمارا موقف بالکل واضح ہے اور تمام مسائل کا حل سیاسی انداز میں نکالا جا سکتا ہے۔
بلاول بھٹو نے اس موقع پر جعفر ایکسپریس ہائی جیک کے واقعہ کا ذکر کیا اور پاک فوج کی دہشت گردوں کے خلاف کامیاب کارروائی کو سراہا۔ انہوں نے کہا کہ مذہبی انتہا پسندی اور دہشت گردی کے خلاف ان کا موقف واضح ہے اور وہ ان مسائل کا ڈٹ کر مقابلہ کرتے ہیں۔انہوں نے مزید کہا کہ سندھ کے وزیر اعلیٰ مراد علی شاہ کی قیادت میں سندھ کے عوام کی خدمت کی جا رہی ہے اور سندھ کے مسائل کو قومی سطح پر اٹھایا جا رہا ہے۔ بلاول بھٹو نے زور دیا کہ سندھ میں زراعت کی ترقی کے لئے پانی کی صحیح تقسیم ضروری ہے۔چیئرمین پیپلز پارٹی کا کہنا تھا کہ سندھ کے عوام کے لئے روزگار کے مواقع پیدا کرنا ضروری ہیں اور اس کے لئے "آئی ورک فار سندھ" پورٹل ایک اہم قدم ہے۔
اس پورٹل کے ذریعے عوام کو نوکریوں کے مواقع دستیاب ہوں گے، جبکہ سندھ میں سیلاب متاثرین کے لئے ہاؤسنگ منصوبے کے تحت 10 لاکھ اسامیاں بھی بنیں۔انہوں نے کہا کہ پرائیویٹ سیکٹر کو بھی اس پورٹل کا حصہ بننے کی دعوت دی اور کہا کہ سندھ کے نوجوانوں کو بہترین تعلیم کے مواقع حاصل ہیں، جس کا فائدہ اٹھانا ضروری ہے۔ بلاول بھٹو نے بزنس کمیونٹی اور پیپلز پارٹی کی یوتھ ونگ سے درخواست کی کہ وہ اس پورٹل کی مہم چلائیں تاکہ سندھ کے ٹیلنٹ کو پوری دنیا تک پہنچایا جا سکے۔ان کا کہنا تھا کہ مہنگائی کم ہو رہی ہے اور سندھ حکومت ماڈرن ٹیکنالوجی کا استعمال کرتے ہوئے لوگوں کو بہتر روزگار فراہم کرنے کے لئے کام کر رہی ہے۔
