پاکستان میں سونے کی قیمتوں میں حالیہ دنوں میں ریکارڈ اضافہ ہوا ہے، جس کے باعث فی تولہ سونا تاریخ کی نئی بلند ترین سطح پر پہنچ گیا ہے۔
فی تولہ سونا 4,700 روپے کے اضافے کے بعد 3 لاکھ 14 ہزار روپے کا ہو گیا ہے۔ اسی طرح 10 گرام سونا بھی 4,030 روپے کے اضافے کے بعد 2 لاکھ 69 ہزار 204 روپے کا ہوگیا ہے۔
عالمی مارکیٹ میں بھی سونے کی قیمتوں میں نمایاں اضافہ دیکھنے کو ملا ہے، جہاں سونا 46 ڈالر مہنگا ہو کر 2,988 ڈالر فی اونس کی سطح پر پہنچ گیا ہے۔
چاندی کی قیمت میں بھی 90 روپے کا اضافہ ہوا ہے اور اب ایک تولہ چاندی 3,530 روپے پر پہنچ گئی ہے۔تجزیہ کاروں کے مطابق سونے کی قیمتوں میں یہ غیر معمولی اضافے عالمی مارکیٹ کے ساتھ ساتھ پاکستان کی معاشی صورتحال کا نتیجہ ہیں۔ یہ قیمتوں کا اضافہ ملک میں بڑھتی ہوئی مہنگائی اور معاشی چیلنجز کے اثرات کی عکاسی کرتا ہے، جس نے عوام کو مالی طور پر متاثر کیا ہے۔پاکستان میں سونے کی قیمتوں میں اضافے نے سرمایہ کاروں اور عوام کے لیے سونا ایک محفوظ سرمایہ کاری کا ذریعہ بنا دیا ہے، لیکن اس کے باوجود عوام کی قوت خرید متاثر ہو رہی ہے۔
