خیبر پختونخوا کے ضلع پبی کے علاقے تاروجبہ میں رات کی تاریکی کا فائدہ اٹھاتے ہوئے نامعلوم ڈاکوؤں نے ایک بینک کو لوٹ لیا۔
پولیس رپورٹ کے مطابق ڈاکو تالے توڑ کر بینک کے اندر داخل ہوئے اور وہاں سے تقریباً ایک کروڑ سے زائد رقم اور سونا لے کر فرار ہو گئے۔واقعہ کے فوراً بعد پولیس کے اعلیٰ افسران موقع پر پہنچے اور کرائم سین کی تفتیش شروع کی۔ پولیس اور بینک کے افسران نے بینک میں موجود لوٹی گئی رقم اور سونے کی مالیت کا تخمینہ لگانے کی کوشش کی۔ تفتیش کا آغاز مختلف پہلوؤں سے کیا گیا تاکہ اس واردات میں ملوث ملزمان کا پتہ چلایا جا سکے۔اس دوران پولیس نے بینک کے سیکیورٹی کیمروں کی فوٹیج کو بھی جانچنے کا آغاز کر دیا تاکہ ڈاکوؤں کی شناخت کی جا سکے۔ پولیس حکام کا کہنا ہے کہ وہ اس واردات کو جلد حل کرنے کے لیے ہر ممکن کوشش کریں گے۔
