وفاقی وزیر خزانہ سینیٹر محمد اورنگزیب نے حالیہ دورہ کے دوران انٹرنیشنل فنانس کارپوریشن (آئی ایف سی) کے منیجنگ ڈائریکٹر مختار دیوپ اور ورلڈ بینک گروپ کے نائب صدر خورخے فامیلیئر کالڈرون سے اہم ملاقاتیں کیں۔
ان ملاقاتوں میں نجی شعبے کی سرمایہ کاری، قرضہ جات کے نظم و نسق، کیپٹل مارکیٹس، ٹریڈ فنانس، اور معاشی اصلاحات پر تبادلہ خیال کیا گیا۔
آئی ایف سی کے منیجنگ ڈائریکٹر مختار دیوپ کے ساتھ ملاقات:
وزیر خزانہ نے مشرق وسطیٰ میں جاری تنازعہ کے معاشی اثرات پر روشنی ڈالی۔انہوں نے پاکستان کی صورتحال پر حکومت کی گہری نگرانی اور بروقت اقدامات کا ذکر کیا۔پاکستان کے لیے آئی ایف سی کی مسلسل حمایت، خاص طور پر مقامی کرنسی میں مالی معاونت کو سراہا۔نجی شعبے کی سرمایہ کاری، پیداواریت میں اضافہ، اور روزگار کے مواقع پیدا کرنے کے لیے آئی ایف سی کے کردار کو مزید تقویت دینے پر زور دیا۔کیپٹل مارکیٹس کی ترقی اور ٹریڈ فنانس میں آئی ایف سی کے کردار کو اہم قرار دیا۔زراعت کے شعبے میں ترقی اور جدت کے فروغ کے لیے آئی ایف سی اور وزیر اعظم کی ٹاسک فورس برائے زراعت کے درمیان قریبی تعاون کی ضرورت پر زور دیا۔پاکستان اور آئی ایف سی کے درمیان مضبوط شراکت داری کو مزید فروغ دینے کا عزم ظاہر کیا۔
ورلڈ بینک گروپ کے نائب صدر خورخے فامیلیئر کالڈرون سے ملاقات:
قرضہ جات کے نظم و نسق اور کیپٹل مارکیٹس کے موضوع پر تبادلہ خیال۔وزیر خزانہ نے ورلڈ بینک گروپ کے کردار کی اہمیت پر زور دیا، خاص طور پر ترقی پذیر ممالک کو مالیاتی جدت، کیپٹل مارکیٹس تک رسائی، اور قرضہ و خطرات کے نظم و نسق میں۔پاکستان کی مالیاتی حکمت عملی، بشمول سکوک اور ESG سے منسلک مالیاتی ذرائع کے استعمال، بین الاقوامی مالیاتی منڈیوں تک رسائی کے اقدامات پر روشنی ڈالی۔ملکی بانڈ مارکیٹ کو مستحکم بنانے کے جاری اقدامات کا ذکر کیا۔ورلڈ بینک کے ذریعے تکنیکی معاونت، جدید تجزیاتی آلات، اور تربیت فراہم کرنے کی درخواست کی۔وزارت خزانہ کے ڈیبٹ مینجمنٹ آفس کے مشیر کو ورلڈ بینک کے ساتھ مشترکہ پروگراموں کے لیے فوکل پرسن مقرر کرنے کا منصوبہ بھی شامل ہے۔
یہ ملاقاتیں پاکستان کی معیشتی اصلاحات، مالیاتی پالیسیوں اور بین الاقوامی مالیاتی اداروں کے ساتھ شراکت داری کو مضبوط بنانے کے عزم کا اظہار ہیں۔ ان کا مقصد نجی شعبے کی سرمایہ کاری کو بڑھانا، مالیاتی نظام کو مستحکم کرنا، اور پائیدار اقتصادی ترقی کے لئے مربوط اقدامات کرنا ہے۔
