پاکستان ویمنز کرکٹ ٹیم نے زمبابوے کے خلاف ٹی20 سیریز کے پہلے میچ میں 153 رنز سے کامیابی حاصل کرکے تاریخ رقم کردی ہے۔
یہ پاکستان کی ویمنز ٹی20 کرکٹ میں سب سے بڑی فتح ہے، اور اس کامیابی کے ساتھ سیریز میں پاکستان کو ایک صفر کی برتری بھی ملی ہے۔میچ کی تفصیلات کے مطابق، پاکستانی ٹیم نے پہلے بیٹنگ کرتے ہوئے 5 وکٹوں کے نقصان پر 237 رنز بنائے۔ جواب میں مہمان ٹیم زمبابوے کی بیٹنگ 84 رنز پر سمٹ گئی۔ پاکستان کے لیے فاطمہ ثنا نے 3 وکٹیں لیں، جبکہ سعدیہ اقبال اور نتالیہ پرویز نے 2،2 وکٹیں حاصل کیں۔
مزید برآں، پاکستانی بیٹر عائشہ ظفر نے تیز ترین سنچری اسکور کرکے تاریخ رقم کی ہے۔ انہوں نے صرف 47 گیندوں پر ناٹ آوٹ 102 رنز بنا کر پاکستان کی پہلی خاتون بیٹر کے طور پر یہ اعزاز حاصل کیا۔ عالیہ ریاض نے 48 اور گل فیروزہ نے 37 رنز کی اننگز کھیلی۔یہ عمدہ کارکردگی پاکستان ویمنز کرکٹ کے لیے ایک بڑی کامیابی ہے اور آنے والے میچز کے لیے حوصلہ افزائی کا سبب ہے۔
