زمبابوے کی خواتین کرکٹ ٹیم پہلی بار دورۂ پاکستان پر 29 اپریل کو کراچی پہنچے گی۔
سیریز میں مجموعی طور پر 6 وائٹ بال میچز کراچی میں کھیلے جائیں گے۔تفصیلات کے مطابق 3 ون ڈے میچز آئی سی سی ویمنز چیمپئن شپ 2025-29 کا حصہ ہوں گے، جبکہ تمام میچز نیشنل بینک اسٹیڈیم کراچی میں کھیلے جائیں گے۔ون ڈے انٹرنیشنل میچز 3، 6 اور 9 مئی کو دوپہر ساڑھے 3 بجے شروع ہوں گے۔اس کے بعد ٹی ٹوئنٹی انٹرنیشنل سیریز 12، 14 اور 15 مئی کو کھیلی جائے گی، جس کے میچز رات ساڑھے 7 بجے شروع ہوں گے۔
یہ ٹی ٹوئنٹی سیریز ویمنز ٹی ٹوئنٹی ورلڈ کپ کی تیاری میں اہم کردار ادا کرے گی۔ ورلڈ کپ 12 جون سے 5 جولائی تک انگلینڈ اور ویلز میں کھیلا جائے گا۔پاکستان ویمنز ٹیم ورلڈ کپ سے قبل آئرلینڈ میں بھی تین ملکی سیریز میں حصہ لے گی۔
