ایس پی اقبال ٹا ئون سدرہ خان کی نگرانی میں ہاتھی چوک کے قریب چھاپہ
ملزم کے خلاف کائٹ فلائنگ ایکٹ کے تحت مقدمہ درج، مزید تفتیش شروع
لاہور (کرائم رپورٹر)ڈی آئی جی آپریشنز فیصل کامران کی ہدایات پر پتنگ فروشوں کے خلاف کریک ڈا ئون جاری ہے۔ ایس پی اقبال ٹا ئون سدرہ خان کی زیرنگرانی گلشن اقبال پولیس نے کارروائی کرتے ہوئے پتنگوں کے ڈیلر فراز خان کو گرفتار کرکے مختلف سائز کے 850 رنگ برنگے گڈے بر آمد کر لیے۔ پولیس کے مطابق ایس ایچ او گلشن اقبال انسپکٹر رومان نے ٹیم کے ہمراہ ہاتھی چوک کے قریب کارروائی کی۔ ملزم نے گڈے فروخت کرنے کے لیے پلاسٹک کے توڑوں اور گتے کے ڈبوں میں چھپا رکھے تھے۔ ملزم کے خلاف کائٹ فلائنگ ایکٹ کے تحت مقدمہ درج کرکے مزید تفتیش شروع کر دی گئی ہے۔ ایس پی اقبال ٹا ئون سدرہ خان نے پولیس ٹیم کی کارکردگی کو سراہتے ہوئے کارروائیوں میں مزید تیزی لانے کی ہدایت کی۔ حکومتی احکامات کے مطابق بسنت کے دنوں میں ہی پتنگ بازی کی اجازت ہوگی، جبکہ خلاف ورزی کرنے والوں کے خلاف سخت کارروائی کی جائے گی۔ پتنگ بازی کے نقصانات سے آگاہی کے لیے مہم جاری ہے اور مساجد میں اعلانات بھی کروائے جا رہے ہیں۔ پولیس حکام کے مطابق پتنگ بازی اور پتنگ فروشی کے خلاف بلاامتیاز کارروائیاں جاری رہیں گی۔
تازہ ترین
- ڈربن ٹیسٹ: ہیزل ووڈ کی شاندار بولنگ، آسٹریلیا نے جنوبی افریقا کو 214 رنز سے ہرا دیا
- لٹن داس نے ٹیسٹ کرکٹ میں نیا ریکارڈ قائم کر دیا
- ورلڈ ٹی ٹوئنٹی کانٹی نینٹ کپ: پاکستانی اور بھارتی کھلاڑی ایک ٹیم میں شامل
- معزول وزیراعلیٰ خیبر پختونخوا کی بازیابی کے لیے آئینی درخواست دائر
- بانی پی ٹی آئی سے ملاقات کا مقررہ وقت ختم، پارٹی رہنماؤں اور اہل خانہ کو اجازت نہ مل سکی
- حافظ نعیم الرحمان کا پارلیمانی جماعتوں کے سربراہان کو خط، پٹرولیم لیوی مقرر کرنے کا اختیار حکومت سے واپس لینے کا مطالبہ
- پی ٹی آئی کا شو ختم ہوچکا، خیبرپختونخوا میں ایمرجنسی کا فیصلہ عوام کے مفاد میں ہے، فیصل واوڈا
- پنجاب حکومت کا دیہی خواتین کی معاشی ترقی کا پروگرام وسیع کرنے کا فیصلہ
- خیبرپختونخوا میں گورنر راج اور ایمرجنسی کا معاملہ، جے یو آئی نے مرکزی مجلسِ شوریٰ کا اجلاس طلب کرلیا
- لیونل میسی کو بیلن ڈی اور تقریب میں ذمہ داری ملنے کا امکان
