ویب ڈیسک:پاکستان کے اسپن بولر نعمان علی کو انگلینڈ کے خلاف ٹیسٹ سیریز میں شاندار کارکردگی پر اکتوبر 2024 کا آئی سی سی پلئیر آف دی منتھ قرار دیا گیا ہے۔
نعمان علی نے ملتان اور راولپنڈی میں انگلینڈ کے خلاف 20 وکٹیں لے کر اپنی بہترین بولنگ صلاحیتوں کا مظاہرہ کیا۔ایوارڈ کی تفصیلات:انٹرنیشنل کرکٹ کونسل (آئی سی سی) نے نعمان علی کو اکتوبر 2024 کے ایوارڈ کے لیے نیوزی لینڈ کے میچل سینیٹنر اور جنوبی افریقا کے کگیسو ربادا کے ساتھ نامزد کیا تھا۔ نعمان علی نے اپنے ایوارڈ پر فخر کا اظہار کرتے ہوئے کہا کہ اس طرح کے ایوارڈز انہیں مزید حوصلہ دیتے ہیں اور وہ مزید بہتر پرفارمنس کا عزم رکھتے ہیں۔ انہوں نے کہا کہ انگلینڈ کے خلاف کامیاب سیریز کے لمحے ہمیشہ یاد رہیں گے۔ویمنز ایوارڈ:آئی سی سی کے ویمنز ایوارڈ کا ایوارڈ نیوزی لینڈ کی ایملا کیر کو دیا گیا ہے۔نعمان علی کی اس شاندار کامیابی نے انہیں کرکٹ کی دنیا میں مزید نمایاں کر دیا ہے اور ان کے لیے یہ ایوارڈ ان کی محنت اور لگن کا اعتراف ہے۔
