ویب ڈیسک: برطانوی ڈراما سیریز ’ایسٹ اینڈرز‘ میں مشہور کردار چارلی سلیٹر سے پہچانے جانے والے اداکار ڈیریک مارٹن 92 سال کی عمر میں انتقال کر گئے۔
ڈیریک مارٹن نے اداکاری کی تربیت باضابطہ طور پر حاصل نہیں کی تھی اور ان کا آغاز مشرقی لندن کے علاقے بو میں مختلف ملازمتوں جیسے قصاب، مزدور اور رائل ایئر فورس میں نیشنل سروس سے ہوا۔ انہوں نے اداکاری کا پیشہ بطور اسٹنٹ مین ’ڈاکٹر ہو‘ میں شروع کیا، تاہم 1970 کی دہائی میں چوٹ لگنے کے بعد مکمل طور پر اداکاری میں قدم رکھا۔سن 2000 میں ایسٹ اینڈرز میں ان کے کردار چارلی سلیٹر نے انہیں عوام میں مقبول بنایا۔ چارلی سلیٹر ایک نرم دل ٹیکسی ڈرائیور تھا جو مداحوں کا پسندیدہ بن گیا اور 2016 تک اہم کہانیوں کا حصہ رہا۔مرحوم کے پسماندگان میں ان کے دو بیٹے، جوناتھن اور ڈیوڈ شامل ہیں۔
