فون ریکارڈ: لاہورپولیس کی سنگین غفلت

 سی ڈی آرزکی وصولی میں غیرمعمولی تاخیر،رجسٹرڈمیں نامکمل ڈیٹا،کام میں غلط تفصیلات اپلوڈکی گئیں،ذرائع پولیس حکام 
لاہور(کرائم رپورٹر)مختلف کیسزمیں فون ریکارڈلینے اوروصول کرنے میں لاہورپولیس کی سنگین غفلت سا منے آگئی۔سی ڈی آرزکی وصولی میں غیرمعمولی تاخیر،رجسٹرڈمیں نامکمل ڈیٹا،کام میں غلط تفصیلات اپلوڈکی گئیں۔ذرائع پولیس حکام کے مطابق زیادہ ترکیسزمیں انویسٹی گیشن افسران نے سی ڈی آرکی وصولی میں 40سے50 دن تاخیر کی۔انویسٹی گیشن افسران 24گھنٹوں میں وصول کرنے کا پابند ہے،اپریل سے ستمبرتک لاہورپولیس کی جانب                                                                                                                                                                                                                                                                                                                                           سے سی ڈی آرکی آڈٹ رپورٹ ہیڈ آفس نہیں بھجوائی گئی،ڈی آئی جی انویسٹی گیشن آفس کی جانب سے گذشتہ آڈٹ پرتفتیشی افسران کی نااہلی پرکسی قسم کی کارروائی نہیں کی۔ علاوہ ازیں لاہورکے ڈویژنل وآرگنائزڈکرائم یونٹ کی جانب سے رجسٹرکوایس او پی کے مطابق اپڈیٹ نہیں کیا گیا،متعدد کیسز میں سی ڈی آر اپلائی کرنیوالے فارم پرتفتیشی افسرکی جانب سے تاریخ درج نہیں کی گئی۔پول کام میں اپڈیٹ کیے گئے بہت سارے کیسز میں ریکارڈ مختصرہیںا ورتفصیلات غلط اپلوڈ کی گئیں۔