مال روڈ واقعہ اس بات کا اشارہ ہے کہ 27 ستمبر کو بھی ایسا ہی ہوسکتا ہے، وزیر مملکت برائے داخلہ

اسلام آباد: وزیر مملکت برائے داخلہ طلال چوہدری کا کہنا ہے کہ مال روڈ پر پیش آنے والا واقعہ اس بات کا اشارہ ہے کہ 27 ستمبر کو بھی ایسا ہی ہوسکتا ہے۔
انہوں نے کہا کہ پاکستان کو سیاسی عدم استحکام کا شکار نہیں ہونے دیں گے، اگر ایسا حملہ ہوا تو حملہ آور کے ہاتھ کاٹے جائیں گے۔طلال چوہدری نے بتایا کہ نفرت اور انتشار کی وجہ سے 9 مئی کا واقعہ پیش آیا، اور پی ٹی آئی قیادت نفرت انگیز بیانات دیتی رہی۔انہوں نے سوشل میڈیا پوسٹس کو شہدا کی توہین قرار دیا اور کہا کہ پی ٹی آئی کو نفرت اور انتشار کی سیاست سے باز رہنا چاہیے۔وزیر مملکت نے کہا کہ پی ٹی آئی قیادت اس کارکن سے لاتعلق نہیں ہے، جو خیبر پختونخوا ہاؤس میں رہتا رہا اور پارٹی قیادت سے ملتا رہا۔انہوں نے مزید کہا کہ راولپنڈی مال روڈ واقعے کی آزادانہ تحقیقات جاری ہیں، اور نتائج جلد سامنے آئیں گے۔یاد رہے کہ 11 اگست 2026 کو، راولپنڈی کے مال روڈ پر محمد حسین ولد محمد باذ نے فائرنگ کرکے ایک اہلکار کو زخمی کیا تھا، اور بعد میں یہ بات سامنے آئی کہ وہ پی ٹی آئی کا کارکن ہے۔پی ٹی آئی نے اس واقعے کو انفرادی فعل قرار دیتے ہوئے اپنی لاتعلقی کا اظہار کیا ہے۔