ویب ڈیسک: بھارتی کامیڈین کپل شرما کو ممبئی پولیس نے خصوصی سیکیورٹی فراہم کر دی ہے کیونکہ گزشتہ ایک ماہ کے دوران کینیڈا میں ان کے کیفے پر دو مرتبہ فائرنگ کے واقعات پیش آ چکے ہیں۔
43 سالہ کپل شرما نے رواں سال کے آغاز میں کینیڈا میں غیر ملکی کاروباری منصوبے کے تحت "کیپس کیفے" کھولا تھا۔ تاہم، 10 جولائی اور 7 اگست کو اس کیفے پر فائرنگ کے دو واقعات ہوئے جن میں کوئی جانی نقصان نہیں ہوا، مگر لگاتار حملوں نے سنگین سیکیورٹی خدشات پیدا کر دیے ہیں۔کینیڈین پولیس نے ابھی تک حملے کا نشانہ بننے والے ادارے کا نام ظاہر نہیں کیا، مگر بھارتی میڈیا رپورٹس میں بتایا گیا ہے کہ یہ کیفے کپل شرما کا ہی ہے۔ کینیڈین پولیس ان دونوں واقعات کی تحقیقات کر رہی ہے تاکہ یہ معلوم کیا جا سکے کہ یہ فائرنگ کسی بڑی مجرمانہ سرگرمی سے منسلک ہے یا نہیں۔
ذرائع کے مطابق کپل شرما فائرنگ کے واقعات کے بعد سے کینیڈین حکام کے ساتھ مسلسل رابطے میں ہیں اور تحقیقات میں مکمل تعاون کر رہے ہیں۔حکام کو کیفے میں تازہ فائرنگ کے بعد پرتشدد حملوں میں اضافے کا خدشہ ہے، جبکہ آن لائن گینگ کے ملوث ہونے کی غیر مصدقہ اطلاعات بھی گردش کر رہی ہیں۔ تحقیقات جاری ہیں اور سیکیورٹی انتظامات مزید سخت کر دیے گئے ہیں۔
Ask ChatGPT
