مری:نوازشریف سے شہبازشریف کی ملاقات سیاسی صورتحال پر تبادلہ خیال

 مریم نواز بھی موجودتھیں،نواز شریف نے وفاقی اور پنجاب حکومت کی کارکردگی میں بہتری بارے مختلف تجاویز  دیں  
مری (آئی  این پی ) وزیر اعظم  شہباز شریف نے  مری میں مسلم لیگ ن کے قائد  نواز شریف سے ملاقات کی ، ملک کی سیاسی صورتحال  پر تبادلہ خیال کیا گیا ۔تفصیل کے مطابق وزیر اعظم  شہباز شریف نے  مری میں مسلم لیگ ن کے قائد  نواز شریف سے ملاقات کی ، جس میں ملکی سیاسی صورتحال، حکومتی معاملات، پارٹی امور اور وفاقی و پنجاب حکومت کی کارکردگی پر مشاورت کی گئی۔ اس موقع پر وزیر اعلی پنجاب مریم نواز بھی موجودتھیں ۔ نواز شریف نے وفاقی اور پنجاب حکومت کی کارکردگی  کو بہتر بنانے کے حوالے سے مختلف تجاویز  دیں ۔